नुवाकोटको बेलकोटगढी नगरपालिका– ८ पाँचखालमा सिलिन्डर पड्किँदा आगलागी

नुवाकोट,१६ फागुन

नुवाकोटस्थित बेलकोटगढी नगरपालिका वडा नम्बर ८ पाँचखालमा ग्यासको सिलिन्डर पड्किएर आगलागी भएको छ।विश्वनाथ पुडासैनीको घरमा ग्याँस पड्केर आगलागी हुँदा साढे तीन लाख रुपैयाँ बराबरको क्षति भएको छ।

जिल्ला प्रहरी कार्यालयका सूचना अधिकारी एवं डीएसपी खगेन्द्र खड्काका अनुसार आगलागीमा परी अन्नपात, भाँडाकुँडा, लत्ताकपडा जलेको तर कुनै मानवीय क्षति भने भएको छैन।ढुङ्गा,माटोले बनेको र जस्ताले छाएको घर आगलागीमा परेर पूर्णरुपमा जलेको छ।विदुर नगरपालिकाको दमकल र स्थानीयको सहयोगमा आगो नियन्त्रणमा ल्याइएको थियो ।