मोतिया विन्दु भएका र आँखामा मासु पलाएका ६३ जनाको आँखाको शल्यक्रिया

धादिङ,१८ माघ
जिल्ला सामुदायिक आँखा केन्द्र धादिङमा ६३ जनाको आँखा अप्रेशन गरिएको छ ।तिलगंगा आँखा प्रतिष्ठान काठमाण्डौं र जिल्ला सामुदायिक आँखा केन्द्र धादिङले जिल्लाको विभिन्न स्थानमा सञ्चालन गरेको निशुल्क आँखा शिविरमा मोतियाविन्दु भेटिएका ५९ जना र मासु पलाएको ४ जना बिरामीहरुको अप्रेशन गरिएको हो।

तिलगंगा आँखा प्रतिष्ठान काठमाण्डौंबाट आएका अनु मानन्धर सहित ५ जनाको टालिले सोमबार, मंगलबार र बुधबार गरी ६३ जनाको आँखा अप्रेशन गरिएको जिल्ला सामुदायिक आँखा केन्द्र धादिङका प्रमुख रामसिंह तामाङले जानकारी दिनुभयो ।आँखा अप्रेशन पश्चात व्यवस्थापन समितिका अध्यक्ष एवं जिल्ला समन्वय समितिका प्रमुख नवराज अधिकारीले विरामी लगायत आँखा अप्रेशनमा खटिनु भएका डाक्टरहरुलाई विदाइ गर्नुभएको छ ।