पत्रकारमाथि स्वास्थ्यकर्मीको ९ गोल

धादिङ,२२ पुस ।

शुक्रबार धादिङबेसीमा सम्पन्न भएको फुटसल प्रतियोगितामा अस्पतालको समुहत बिजयी भएको छ ।धादिङ अस्पतालको आयोजनामा भएको मैत्रीपुर्ण फुटसल प्रतियोगितामा पत्रकार महासंघको टोलीलाई ६ गोलका विरुद्ध ९ गोलले अस्पतालको समुह बिजयी भएको हो ।

पहिलो हाफमा ४–४ गोलको बराबरी खेलेकोमा दोश्रो पत्रकार महासंघको समूह पछि परेको थियो । विश्व फुटबलको सर्वकालीन महान (सर्वश्रेष्ठ) खेलाडी पेलेको स्मृति तथा सम्मानमा फुटसल प्रतियोगिताको आयोजना गरिएको धादिङ अस्पताल व्यवस्थापन समितिका अध्यक्ष राजाराम रिजालले बताउनुभयो । खेल समापन कार्यक्रममा बोल्दै नेपाल पत्रकार महासंघ धादिङका अध्यक्ष राजाराम शर्माले यस्ता मैत्रीपूर्ण खेलकुद प्रतियोगिताले दुई पक्षीय सम्बन्ध सुमधुर बन्ने बताउनु भएको थियो ।