मार्पाक प्रिमियर लिग–२०७९ फुटसल प्रतियोगिता शनिबारदेखी हुँदै

धादिङ,०७ भाद्र।
आगामी शनिबारदेखी काठमाण्डौमा मार्पाक प्रिमियर लिग–२०७९ फुटसल प्रतियोगिता हुनेभएको छ । मार्पाक भेट्रान्स फुटसल टिमको ब्यबस्थापन तथा नेत्रावती डबजोङ्ग गाउपालिका वडा नं.१ को प्रायोजक साथै मार्पाक सामुदायिक क्लब,मार्पाकको सहयोगमा भाद्र ११ गते शनिबार देखी मार्पाक गा.बि.स. स्तरिय फुटसल प्रतियोगिताको तेस्रो सस्करण हुनेभएको हो । प्रतियोगिता काठमाण्डौको फ्रेन्डस स्टार फुटसल भत्केपुलमा हुने लिग प्रतियोगिताका मुख्य संयोजक फणिन्द्र गुरुङ्गले जनाएको दिनुभयो ।

लिग फुटसल प्रतियोगितामा साबिक मार्पाकका टिम मार्पाक, टिम भेट्रान्स, टिम थला, टिम सि.सि.एम., टिम खानीगाउ, टिम ईन्द्रजंग र टिम निमार्चाेक गरि ७ वटा टिमले सहभागिता जनाउनेछ । लिग च्याम्पियन हुने टिमले च्याम्पियन ट्रफी साथै नगद पुस्कार प्राप्त गर्नेछ भने द्धत्तिय र तृतिय हुने टिमलाई पनि नगद पुरस्कार प्रदान गरिने संयोजक गुरुङ्गले बताउनुभयो । साथै उत्कृष्ट फरवार्ड, गोलकिपर र डिफेन्सलाई समेत पुरस्कृत गरिने आयोजकले जनाएको छ ।

प्रतियोगिताको मुख्य संयोजन गुरुङ्गले र मुख्य ब्यबस्थापन काजिराम अधिकारीले गर्नुहुनेछ भने प्रतियोगिता संचालन समितिमा दूध बहादुर गुरुङ्ग, शिव कार्की र ईन्द्र गुरुङ्ग साथै ब्यबस्थापन समितिमा अदिप अधिकारी, मरिचमान गुरुङ र जंग ब.गुरुङ्ग रहेका छन् ।

स्वास्थ्य, मनोरन्जन, लुकेर रहेका मार्पाकका प्रतिभाहरुको खोजी साथै आपसी मेलमिलाप र सद्भाव कायम राख्दै मार्पाकका युवाहरुबिच भेटघाट र एकता कायम गर्ने उद्धेश्यले लिग फुटसल प्रतियोगिता आयोजना गरिएको आयोजकले जनाएको छ।