नीलकण्ठको राजनीतिमा तरंगः प्राध्यापक डा. देवी प्रसाद अधिकारी रास्वपामा प्रवेश, मेयरको चर्चा चुलिँदै
निर्वाचन आयोगको निर्णय मान्न र नयाँ नेतृत्वलाई स्वीकार्न धादिङ कांग्रेस सचिव विकास श्रेष्ठको अपिल
धादिङ क्षेत्र नं. २ मा ज्युँदा शहीदको चर्चा : राम बहादुर भण्डारी एक नम्बरमा सिफारिस
हर्क साम्पाङको श्रम संस्कृति पार्टीले आज धादिङमा जिल्ला भेला गर्दै
क्षेत्री महिला समाज धादिङको अध्यक्षमा अधिकारी
कोसोक नेपाल धादिङको अध्यक्षमा सिताराम कोइराला निर्वाचित
धादिङ,३१ असार ।
धादिङको नीलकण्ठ नगरपालिकाले आफ्नै लोगो र नगर गाना बनाउने भएको छ । लोगो र नगर गाना रचना गरी पेश गर्नको लागि ईच्छुक व्यक्ती,संस्था,डिजाईनर,कलाकार,रचनाकारहरुलाई नगरपालिकाले आग्रह गरेको छ ।
असार ५ गते नगर कार्यपालिकाको बैठकले लोगो र नगर गाना बनाउने निर्णय गरे अनुसार नगरपालिकामा पेश गर्ने समय अब ४ दिन बाँकि रहेको छ ।नगरपालिकाको ऐतिहासिक,भौगोलिक,प्राकृतिक,सांस्कृतिक तथा विशिष्ट मौलिक विशेषता झल्कने लोगो निर्माण को साथै नीलकण्ठ नगर पालिकाको पहिचान झल्कने नगर गाना बनाउन लागिएको नगर प्रमुख भीम प्रसाद ढुंगानाले जानकारी दिनुभयोे ।
त्यसको लागि जिल्लाबासी तथा जिल्ला बाहिरबाट पनि लोगो र रचना पेश गर्न सकिने छ ।नीलकण्ठ नगरपालिकाका शाखा अधिकृत लोकनाथ उपाध्यायको अनुसार अहिले सम्म २/३ वटा लोगो र रचना गाना नगरपालिकामा पेश भएको छ ।
लोगो र राष्ट्रिय गानाको लागि अझै धेरै पेश होस भन्ने हामिले अपेक्षा गरेका छौँ उपाध्यायले भन्नुभयो,“धेरै बाट थोरै छान्न पाए उत्कृष्ट हुन्छ, व्यक्ती,संस्था,डिजाईनर,कलाकार र रचनाकारहरुलाई हामि आग्रह गर्छौँ,अब ४ दिन बाँकि छ पेश गर्नुहोला ।”
नगरको पहिचान सँगै नगरबासीमा जोस,जाँगर र उत्साह भर्ने खालको बढीमा ५० शब्द सम्मको नगर गाना हुनुपर्ने नगरपालिकाले जानकारी दिएको छ । छनौट भएका लोगो डिजाईनर र नगर गाना रचनाकारलाई जनही २०/२० हजार र कदर पत्रबाट पुरस्कृत गरीने शाखा अधिकृत उपाध्यायले बताउनुभयो ।
