साँधको घाँस काट्ने विषयमा विवाद हुँदा पुर्व वडा अध्यक्ष र छोरा माथि बलात्कारको मुद्वा लगाईयो : स्थानिय

धादिङ,११ मंसिर
बारिको साँदको घाँस काट्ने विषयमा विवाद हुँदा नीलकण्ठ नगरपालिका वडा नम्बर ८ का पुर्व वडा अध्यक्ष र छोरामाथि बलात्कारको झुटो मुद्वा लगाईएको स्थानियले बताएका छन् । घट्ना हँुदा प्रतक्ष्यदर्शी सोमा तामाङ र रपेश कुमालका अनुसार घाँसको विषयमा विवाद भएको आफुहरुले देखेको बताएका छन् ।स्थानीयका भनाई अनुसारे घटना नितान्त छिमेकीबीचको झगडा भएको हो्। सार्वजनिक जग्गा भोगचलनका विषयमा दुई छिमेकीबीच पहिलेदेखि नै मनमुटाव रहेको र यसअघि पनि झैझगडा हुँदै आएको उनीहरूको भनाइ छ। सार्वजनिक ठाउँमा दुई पक्षबीच भनाभन र हात हालाहाल हुनुलाई बलात्कार प्रयासको रूपमा दुष्प्रचार गरिनु गलत भएको गाउँलेहरुको भनाई छ ।

त्यही घट्नालाई लिएर जबरजस्ती करणी उद्योगसम्बन्धी आरोप झुठो भएको भन्दै स्थानीयवासीले कानूनको दुरुपयोग गरी कसैलाई फसाउने कार्य तत्काल रोक्नुपर्ने माग गरेका छन्। बुधबार वडा नम्बर ८ का २५० भन्दा बढी गाउँलेले हस्ताक्षर गरेर प्रहरीलाई घटनाको सत्यतथ्य जाँचबुझ गर्न र गलत आरोप लगाई वदनाम गर्नेमाथि कारवाहीको माग गरेका हुन् ।स्थानीयका अनुसार घाँस काट्ने क्रममा विवाद सहित झगडा भएको हो । तर दिउँसो वरपर प्रतक्ष्यदर्शी भएको समयमा बलात्कार जस्तो प्रयासको आरोप गलत छ स्थानीयले बताएका छन् । दुवै जनालाई प्रहरीले नियन्त्रणमा लिएपछि घटनाको वास्तविकता फरक रहेको भन्दै स्थानीयहरू बुधवार जिल्ला प्रहरी कार्यालय धादिङ पुगेर प्रहरीलाई लिखित निवेदन पेश गरि जाहेरी खारेजीको माग गरेका हुन् ।घटनामा पिडक भनिएका व्यक्तिमाथि कानूनको दुरुपयोग गरी फसाउन खोजिएको आरोप गाउँलेहरूको छ। निराधार आरोपका आधारमा व्यक्तिको प्रतिष्ठा नष्ट हुने खालका गतिविधि गर्न नहुने स्थानीय सरिता श्रेष्ठले बताउनुभयो।

प्रहरीले जबरजस्ती करणी उद्योग, ज्यानमार्ने उद्योग र अभद्र व्यवहार सम्बन्धी जाहेरीका आधारमा ६५ वर्षीय पूर्व वडा अध्यक्ष र उनका ४० वर्षीय छोरालाई सोमबार नियन्त्रणमा लिएर मंगलबार जिल्ला अदालतमा पेश गरेको थियो। अदालतले उनीहरूलाई सात दिन थुनामा राखेर अनुसन्धान गर्न अनुमति दिएको प्रहरीको भनाइ छ। जाहेरीमा छोराले एक महिलामाथि जबरजस्ती करणी उद्योगको प्रयास गरेको र गुहार सुनेपछि स्थानीयले उद्धार गरेको उल्लेख गरिएको छ, साथै बाबुले छोरालाई साथ दिँदै पीडितलाई कुटपिट गरेको आरोप पनि समावेश छ।