खानेपानी बोर्डका पदाधिकारी र प्राविधिकको लागि N–WASH MIS तालिम धादिङबेसीमा सुरु

धादिङ,१२ कार्तिक
नीलकण्ठ नगरपालिका खानेपानी,सरसफाई तथा स्वच्छता बोर्डको आयोजनामा आजबाट दुई दिने अभिमुखीकरण तथा N–WASH MIS तालिम सूरु भएको छ ।नीलकण्ठ नगरपालिका नगर प्रमुख तथा नेपाल नगरपालिका संघका अध्यक्ष भीमप्रसाद ढुंगानाको अध्यक्षतामा सम्पन्न भएको उद्घाटन सत्रमा वडा अध्यक्षहरु,कार्यपालिका सदस्यहरु,शाखा प्रमुख,टोल विकास संस्था महासंघ,वडाका ईन्जिनिय लगायतको आतिथ्यता रहेको थियो ।

उद्घाटन सत्रलाई सम्बोधन गर्नुहुदै नगर प्रमुख भीम प्रसाद ढुंगानाले नीलकण्ठको खानेपानी,सरसफाई तथा स्वच्छता सम्बन्धी नयाँ ढंगले बोर्डले काम गर्ने बताउनुभयो । शुद्ध खानेपानी पिउन पाउनु नगरबासीहरुको अधिकार भएको भन्दै उहाँले खानेपानीको क्षेत्रमा ठुला योजनाहरु ल्याएर काम गरीरहेको बताउनुभयो । कार्यक्रममा कार्यकारी अध्यक्ष शिव प्रसाद प्रसाद अधिकारीले बोर्डको काम,कर्तव्य,अधिकारी सहित अल्पकालि,मध्यकालिन र दिर्घकालिन लक्ष्यहरुको विषयमा जानकारी गराउनु भएको थियो ।

तालिममा खानेपानी तथा ढल व्यवस्था विभागका बरिष्ठ ईञ्जिनीयर निरब बैद्य र ईञ्जिनीयर मिलन जोशीले सहजिकरण गर्नुभएको छ । निर्देशक तथा जनस्वास्थ्य निरिक्षक शिवरानाले सन्चालन गर्नुभएको तालिम भोली सम्म सन्चालन हुनेछ ।