नीलकण्ठ महिला साकोसको स्थापना दिवसमा ७९ जनाद्धारा रक्तदान

धादिङ, असोज २ गते ।
नीलकण्ठ महिला बचत तथा ऋण सहकारी संस्था लिंको २७ औँ स्थापना दिवसको अवसरमा भएको रक्तदान कार्यक्रममा ७९ जनाले रक्तदान गरेका छन् ।

रक्त संचार सेवा केन्द्र, धादिङ अस्पताल परिसरमा भएको रक्तादान कार्यक्रममा २१ जना महिला र ५८ जना गरी जम्मा ७९ जनाले रक्तदान गरेका हुन् ।

कार्यक्रममा नेपाल रेडक्रस सोसाइटी रक्त संचार सेवा केन्द्र धादिङले प्राविधिक सहयोग प्रदान गरेको थियो।

रक्तदानको महत्वबारे सचेतना फैलाउनु र आवश्यकता परेको व्यक्तिहरूलाई समयमै रगत उपलब्ध गराउनु उद्धेश्यका साथ रक्तदान कार्यक्रम गरिएको नीलकण्ठ महिला बचत तथा ऋण सहकारी संस्थाले जानएको छ ।