धादिङबेसीमा कर्फ्यू र निषेधाज्ञ हटेसँगैे जनजीवन सामान्य

धादिङ,२८ भाद्र
नयाँ सरकार गठन भएसँगै धादिङ सहित देशभर आम नागरिकको जनजीवन सामान्य बनेको छ । आन्दोलनपछि धादिङबेसीमा लगाईको कर्फ्यू र निषेधाज्ञा हटेपछि अहिले बजार क्षेत्रको जनजीवन सामान्य बनेको छ । बजारका पसलहरु खुलेका छन् भने नागरिकहरु आ–आफ्नो काम काजमा व्यस्त बनेका छन् । धादिङका व्यवसायीहरु आफ्नो पेसा व्यवसायमा संलग्न भएका छन् ।शान्ति सुरक्षाको अवस्था सामान्य रहेको छ ।
भ्रष्टाचारविरुद्ध र सुशासन प्रवद्र्धनको नाराकासाथ अघि बढेको जेनजी पुस्ताको मागअनुरूप पूर्वप्रधानन्यायाधीश सुशीला कार्कीका नेतृत्वमा नयाँ सरकार गठन भएको छ । आन्दोलनपछि धादिङबेसीको अवस्था प्रभावित बनेको थियो । कारागारका कैदीहरुले तोडफोड र आगजनी गरेपछि सेनाले गोली चलाउनका २ जनाको मृत्यु भएको थियो । केहि युवाहरुले जिल्ला स्थित एमाले पार्टी कार्यालयमा तोडफोड गरेका छन् भने ज्वालामुखी गाउँपालिका अध्यक्ष चड्ने सरकारी गाडीमा आगजानी गरेका थिए । नयाँ सरकार गठन भएसँगै अवस्था सामान्य बन्दै गईरहेको छ ।