धादिङको गाईजात्रा ‘दलका नेता सबै धादिङबेसीमा’
धादिङको जहरेमा पहिरो, दुईतर्फी सडक अवरुद्ध
गजुरी गाउँपालिकामा कक्षा १२ को नतिजा : आदर्श माविको उत्कृष्ट प्रदर्शन
माओवादी केन्द्र धादिङको संघिय क्षेत्र न २ को संयोजकमा आशिष र नीलकण्ठ नगरको ईन्चार्जमा शम्भु श्रेष्ठ चयन
सिद्धलेकमा भएको वडा स्तरिय तीज गीत प्रतियोगितामा फुलबारी आमा समुह प्रथम
धादिङबेसीमा डिजिटल बैंकिङ तथा वित्तीय साक्षरता तालिम सम्पन्न
धादिङ, भदौ १५ गते ।
बेपत्ता पारिएका व्यक्तिहरूको न्याय सुनिश्चित गर्न धादिङमा ज्ञापनपत्र बुझाइएको छ। अनौपचारिक क्षेत्र सेवा केन्द्र (इन्सेक) का सीताराम अधिकारीले जिल्ला प्रशासन कार्यालय, धादिङमार्फत प्रधानमन्त्रीलाई ज्ञापनपत्र बुझाएका हुन् ।
प्रत्येक वर्ष अगष्ट ३० मा ‘बेपत्ता पारिएका व्यक्तिको स्मरण दिवस’ मनाइने क्रममा बुझाइएको ज्ञापनपत्रमा २०६३ मंसिर ५ गतेको विस्तृत शान्ति सम्झौतामा उल्लेख भएअनुसार ६० दिनभित्र बेपत्ता पारिएका व्यक्तिहरूको अवस्था सार्वजनिक गर्ने प्रतिबद्धता अझैसम्म पूरा नभएको उल्लेख गरिएको छ।
ज्ञापनपत्रमा सत्य तथ्य जान्ने अधिकार, सांस्कृतिक अधिकार तथा राहत र क्षतिपूर्ति अधिकारसमेत हनन भइरहेको भन्दै तत्काल पीडित परिवारलाई न्याय दिलाउन माग गरिएको छ। साथै, राष्ट्रिय मानव अधिकार आयोगले बेपत्ता पारिएका व्यक्तिका सम्बन्धमा गरेका २२६ वटा सिफारिस कार्यान्वयन गर्नुपर्नेमा जोड दिइएको छ।
गत २०८२ वैशाख ३१ गते गठित बेपत्ता पारिएका व्यक्तिको छानबिन आयोगलाई आवश्यक स्रोत साधन उपलब्ध गराई संक्रमणकालीन न्याय टुंग्याउनुपर्ने माग पनि ज्ञापनपत्रमा समावेश गरिएको छ।
इन्सेकले नेपाल सरकार तथा सम्बद्ध निकायको ध्यानाकर्षण गराउँदै बेपत्ता पारिएका व्यक्तिको अवस्था सार्वजनिक गर्न, दोषीलाई कानुनी कारबाही गर्न र पीडित परिवारलाई परिपूरण सुनिश्चित गर्न आग्रह गरेको छ।
