नीलकण्ठमा खानेपानी,सरसफाई तथा स्वच्छता व्यवस्थापन बोर्डका पदाधिकारीद्वारा सपथ ग्रहण

धादिङ,९ भदौ ।

धादिङको नीलकण्ठ नगरपालिकामा खानेपानी,सरसफाई तथा स्वच्छता व्यवस्थापन बोर्डका पदाधिकारीको सपथ ग्रहण आज सम्पन्न भएको छ । नीलकण्ठ नगरपालिकाका नगर पमुख भीम प्रसाद ढुंगानाले बोर्डका पदाधिकारीहरुलाई पद तथा गोपनियताको सपथ ग्रहण गराउनु भएको हो । नीलकण्ठ गनरपालिकामा सरसफाई तथा खानेपानीलाई व्यवस्थापन गर्नको लागि बोर्ड गठन गरीएको हो । बोर्डको अध्यक्षमा सामाजिक व्यक्तित्व शिव प्रसाद अधिकारी नियुक्त हुनुभएको छ ।

बोर्डका सदस्यहरुमा कार्यपालिकाको निर्णय अनुसार वडा नम्बर ३ का वडा अध्यक्ष राजकुमार श्रेष्ठ, वडा नम्बर ८ का वडा अध्यक्ष एवं प्रवक्ता प्रकाश कुमार श्रेष्ठ,वडा नम्बर १२ का वडा अध्यक्ष धर्मराज भण्डारी, वडा नम्बर १४ का वडा अध्यक्ष नमराज दुवाडी रहनुभएको छ ।यसैगरी सदस्यहरुमा भगवती उप्रेती, कृष्ण प्रसाद कोइराला, मन्जु मगर, दयाराम लम्साल, राजाराम रिजाल निर्देशकमा  शिव राना रहनुभएको छ ।

त्यस्तै, मनोनित सदस्यहरुमा विज्ञ सदस्य डा.कृष्णमान शाक्य, महिला सदस्य कोपिला खान ठकुरी, नमिता थापा अधिकारी तथा सदस्य राजकुमार श्रेष्ठ रहनुभएको छ । समारोहमा नगर प्रमुख भीम प्रसाद ढुंगानाले नीलकण्ठ नगरको समृद्धि र दिगो विकासका लागि खानेपानी र सरसफाइ महत्वपूर्ण आधार भएको भन्दै उहाँले सोहि अनुसार काम गर्नको लागि आग्रह गर्नुभयो । कार्यकारी समितिको पहिलो बैठक आजै सम्पन्न भएको छ ।