लैङ्गिक उत्तरदायी बजेट विषयक अन्तरक्रिया कार्यक्रम धादिङबेसीमा सम्पन्न

धादिङ,५ भाद्र
नीलकण्ठ नगरपालिकाको आयोजनामा महिला जनप्रतिनिधि तथा कर्मचारीहरुको लागि लैङ्गिक उत्तदरदायी बजेट विषयक अन्तरक्रिया कार्यक्रम धादिङबेसीमा सम्पन्न भएको छ । सामाजिक विकास समितिका संयोजक मन्जु मगरको अध्यक्षतामा सम्पन्न भएको कार्यक्रममा नीलकण्ठ नगरपालिकाका उप मेयर दिपक विश्वकर्माको प्रमुख आतिथ्यता रहेको थियो । नीलकण्ठ नगरपालिकाका प्रमुख प्रशासकीय अघिकृत हरिदत्त कँडेलको विशेष आतिथ्यता रहेको कार्यक्रममा बरिष्ठ लेखा अधिकृत आर्जन श्रेष्ठ लगायत महिला जनप्रतिनिधि तथा कर्मचारीहरुको सहभागिता रहेको थियो ।

कार्यक्रमको विषय बस्तु,कार्यक्रमको उदेश्य र लैङ्गिक उत्तदायीको विषयमा सामाजिक विकास शाखा अधिकृत उर्मिला थपलियाले जानकारी गराउनु भएको थियो । कार्यक्रमलाई सम्बोधन गर्नुहुदै नगर उप मेयर दिपक विश्वकर्माले नीलकण्लठ गनरपालिकाले लंैगिक उत्तदायी भएर बजेट बिनियोजन गरीरहेको बताउनुभयो । नगरको विकासको लागि महिला तथा पछाडी पारीएका बर्गहरुको उत्थान गर्नुपर्ने भन्दै उहाँले आगामी दिनमा महिला तथा बालबालिकाहरुको क्षेत्रलाई पनि प्राथमिकता दिएर बजेट ल्याउने बताउनुभयो ।

यसैगरी कार्यक्रमलाई सम्बोधन गर्नुहुदै प्रमुख प्रशासकीय अधिकृत हरिदत्त कँडेलले बजेट निर्माणमा लैंगिक दृष्टिकोणलाई समावेश गरी महिला तथा अन्य वञ्चित वर्गका अधिकार सुनिश्चित गर्ने विषयमा सचेतना बढाउनु पर्ने बताउनुभयो । बजेट निर्माण प्रक्रियामा लैंगिक दृष्टिकोणलाई थप प्राथमिकता दिईने कँडेलले बताउनुभयो । सोहि अवरमा नेपाली हिन्दु महिलाहरुको पर्व हरितालिका तीजको अवसरमा शुभकामना आदान प्रदान सहित दर खाने कार्यक्रम समेत सम्पन्न भएको छ ।