समाजसेवी बाबुकाजी भण्डारी गैरआवासीय नेपाली संघ,राष्ट्रिय समन्वय परिषद,जापानको मानार्थ सदस्यमा मनोनित

धादिङ,५ भदौ
त्रिपुरासुन्दरी गाउँपालिकामा जन्मिएर हाल जापानमा कर्मथलो बनाएका बाबुकाजी भण्डारी गैरआवासीय नेपाली संघ,राष्ट्रिय समन्वय परिषद,जापानको मानार्थ सदस्यमा मनोनित हुनुभएको छ । अन्तराष्ट्रिय धादिङ समाजका महासचिव समेत रहनुभएका समाजसेवी भण्डारीलाई अगष्ट १५ तारिखमा बसेको कार्यसमितिको बैठकले २०२५–२०२७ कार्यकालका लागि रासप जापानको विधान बमोजिम मानार्थ सदस्यमा मनोनित गरीएको हो । संस्थाको आगामी कार्यदिशा,नीति निर्माण र संस्थागत सबलीकरणका क्रममा ज्ञान,अनुभव र सुझावले महत्वपुर्ण भुमिका निर्वाह हुने संस्थाले विस्वास लिएको पत्रमा भनिभएको छ । संघका नियमावली,आचारसंहिता र सामुहिक निर्णयको पालना गर्दै सक्रिय योगदान गरी दिनुुहुन संघले आग्रह गरेको छ । लामो समयदेखी जापान बस्दै आउनुभएका भण्डारी विभिन्न सामाजिक संस्थामा आवद्ध भई जन्मभुमिलाई विभिन्न सहयोग गर्दै आईरहनु भएको छ ।