न्याय निरुपण र सुशासनको क्षेत्रमा गम्भिर भएर लाग्छुः एसपी रिजाल

धादिङ,४ भाद्र
जिल्ला प्रहरी कार्यलय धादिङका प्रहरी उपरिक्षक (एसपी) भेषराज रिजालले न्याय निरुपण र सुशासनको क्षेत्रमा गम्भिर भएर लाग्ने प्रतिबद्धता व्यक्त गर्नुभएको छ । धादिङ सरुवा भएर आउनु भएको एसपी रिजाल र पत्रकारबिच मंगलबार प्रहरी कार्यलयमा आयोजित परिचयात्मक तथा अन्तरक्रिया कार्यक्रममा उक्त कुरा बताउनु भएको हो ।परिचयात्मक कार्यक्रममा पत्रकारहरुले जिल्लाका विभिन्न सवालहरु एठान गरेका थिए ।पत्रकारहरुले उठाएको सवाललाई सम्बोधन गर्दै एसपी रिजालले पीडितहरुले सहज र छरितो सेवा पाउने वातावरण बनाइने आश्वासन दिनुभयो ।

उहाँले सुचना प्रवाहलाई सहज र पार्दशी बनाउन प्रहरी कार्यलयको भुमिका अझ प्रभावकारी हुने बताउनुभयो ।सहभागि पत्रकारहरुले धादिङलाई गिट्टी–बालुवाको उर्वरभूमि भएको उल्लेख गर्दै राजमार्ग क्षेत्रका नदीमा हुने अवैध उत्खनन नियन्त्रणमा चुनौती देखिएको बताए । रातभर मेसिन प्रयोग गरेर गिट्टी–बालुवा निकाल्ने कार्य रोक्न नसकिएको, धादिङबेसी आसपासमा जुवातास सञ्चालन हुने, जडीबुटी तथा रुबी चोरी निकासी हुने, पसल राति ९ बजेपछि बन्द भए पनि होटल ढिलोसम्म खुला रहने जस्ता विषयमा गुनासो राखेका थिए।

साथै, पीडितहरूले छरितो र सहज सेवा पाउनुपर्ने, पत्रकारहरूले माग गरेका सूचना उपलब्ध गराउने प्रणालीलाई प्रभावकारी बनाउनुपर्ने, सडक सुरक्षामा सुधार गर्नुपर्ने, राजमार्गमा दुर्घटनाको जोखिम बढ्दो भएकाले त्यसमा प्रहरीको चासो आवश्यक पर्ने सुझाव पनि दिइएको थियो। कार्यक्रममा ओभरलोड तथा यात्रुवाहक बोलेरोहरू प्रशासन र प्रहरी कार्यालयकै अगाडि चल्ने गरेको भन्दै तत्काल नियन्त्रणको माग पनि राखेका छन् ।