सहारा महिला साकोसले तीज गीत प्रतियोगिता गर्ने

धादिङ, २६ साउन ।
सहारा महिला बचत तथा ऋण सहकारी संस्था लिमिटेडले आगामी भाद्र ४ गते तीज गीत प्रतियोगिता आयोजना गर्ने भएको छ । महिलाहरूको महान पर्व तीज २०८२ को अवसरमा “वर्तमान अवस्थामा सहकारी र महिलाको भूमिका” भन्ने विषयमा प्रतियोगिता हुने भएको हो ।

सहकारीको कार्यालयमा बिहान ११ बजे सुरु हुने कार्यक्रममा ३ देखि ५ जना शेयर सदस्यहरू सम्मिलित समूहले सहभागिता जनाउन सक्नेछन्। सहभागिताको अन्तिम मिति भाद्र ३ गते बेलुकी ५ बजे तोकिएको छ भने फोनमार्फत पनि टिम दर्ता गर्न सकिनेछ।

कार्यक्रममार्फत महिला सदस्यहरूलाई तीजको उल्लाससँगै सहकारीको महत्व र भूमिकाबारे सचेतना फैलाउने उद्देश्य रहेको सहकारीले जनाएको छ ।