धादिङका गोविन्द लम्साल आन्तरिक मामिला तथा कानुन मन्त्री नियुक्त

धादिङ, १४ साउन ।
धादिङका गोविन्द लम्साल बागमती प्रदेशको आन्तरिक मामिला तथा कानुन मन्त्री नियुक्त हुनुभएको छ । बागमती प्रदेशका मुख्यमन्त्री बहादुर सिंह लामाले धादिङका गोविन्द लम्साल सहित तीन जनालाई मन्त्रिमा नियुक्त गर्नुभएको हो ।

लम्साललाई आन्तरिक मामिला तथा कानुन मन्त्रालयको जिम्मेवारी दिइएको छ । माया श्रेष्ठ र गीता गुरूङको जिम्मेवारी भने तोकिन बाँकी छ।
लम्साल धादिङ क्षेत्र नं २ को प्रदेश क मा नेपाली कांग्रेसबाट निर्वाचित सांसद हुनुहुन्छ ।