नीलकण्ठ नगरपालिकाका मेयर भीमप्रसाद ढुंगाना सम्मानित

धादिङ,६ साउन
नीलकण्ठ नगरपालिकाका नगर प्रमुख तथा नेपाल नगरपालिका संघका अध्यक्ष भीम प्रसाद ढुंगाना सम्मानित हुनुभएको छ । सोमबार एक कार्यक्रमका बिच मेयर भीम प्रसाद ढुंगानालाई नेपाली काँग्रेसका सभापति शेरबहादुर देउवाले प्रमाणपत्र सहित सम्मान गर्नुभएको हो । नेपाली काँग्रेस पुस्तकालय तथा पार्टी अध्ययन स्रोत केन्द्र विभागले पुस्तकालय स्थापना र सन्चालनमा सहयोग गरेको भन्दै ढुंगानालाई सम्मान गरिएको हो ।

नेपाली काँग्रेसका सभापति देउवा,महामन्त्री गगन कुमार थापा लगायतको केन्द्रिय सदस्यहरुको उपस्थितीमा सम्मान गरीएको हो ।नीलकण्ठ नगरपालिकाको नेतृत्व गरेपछि मेयर ढुंगानाले कक्षा १२ सम्मको शिक्षा निशुल्क,आधारभुत स्वास्थ्य सेवा,सडक,भौतिक संरचना लगायतको विकास निर्माणमा महत्वपुर्ण काम गर्नुभएको छ ।