जलवायु उत्थानशीलताका लागि क्षमता विकास सम्बन्धी तीन दिने तालिम धादिङबेसीमा सम्पन्न

धादिङ,२६ असार
जलवायु उत्थानशीलताको लागि क्षमता विकास कार्यशाला गोष्ठी धादिङबेसीमा सम्पन्न भएको छ ।धादिङबेसी स्थित होटल आरकेमा सम्पन्न भएको जलवायु उत्थानशीलताका लागि क्षमता अभिबृद्धि कार्यशाला गोष्ठीमा जनप्रतिनिधि लगायत सरोकारवाला निकायका प्रमुमख एवं प्रतिनिधिहरुको सभागिता रहेको थियो ।

राष्ट्रिय प्रकृति संरक्षण कोष,समुदायमा आधारित वन सहजकर्ता सन्चालन(कफ्सन) नेपाल, ग्रीन क्लाईमेट फण्ड,आईसीयुएनको साझा प्रयासमा सन्चालित गण्डकी जलाधार जलवायु उत्थानशील आयोजना अन्तरगत धादिङ जिल्लाका प्रभाविता स्थानीय सरकारका प्रमुख एवंम प्रतिनिधिहरुको उपस्थितीमा अभिमुखीकरण गरीएको कफ्सन नेपालका केन्द्रिय अध्यक्ष विना श्रेष्ठले जानकारी दिनुभयो।

तीन दिन सम्म सन्चालन भएको तालिममा कफ्सन नेपालका संस्थापक अध्यक्ष भोला खतिवडा,वर्तमान केन्द्रिय कोषाध्यक्ष सुदिल गोपाल गुरुवाचार्य,डिजिभन वन अधिकृत विष्णु प्रसाद आर्चाय,वन अभियन्ता तथा महिला अधिकारकर्मी कविता ईटनी लगायतले सहजिकरण गर्नुभएको थियो । अभिमुखीकरण गोष्ठीमा जलवायु परिवर्तनको अवधारणा,प्रभाव न्युनीकरण तथा उत्थानशीलता र प्रकृतिमैत्री विकासका लागि गर्नुपर्ने कदमका विषयमा छलफल गरिएको थियो ।

कार्यक्रममा बन र कृषि,जलवायुमैत्री कृषिवन प्रणाली,सिमसार,चरिचरन, फोहोर मैला व्यवस्थापन,वन संरक्षणको विषयमा जानकारी गराईएको थियो । संस्थाका अध्यक्ष बिना श्रेष्ठको अध्यक्षतामा सम्पन्न भएको (मंगलबार) उद्घाट सत्र कार्यक्रममा नीलकण्ठ नगरपालिकाका नगर प्रमुख एवं नेपाल नगरपालिका संघका अध्यक्ष भीम प्रसाद ढुंगानाको प्रमुख आतिथ्यता रहेको थियो ।