धादिङमा बढी भाडा असुल्ने Pathao तथा InDrive राइडरहरूविरुद्ध कारबाही
नीलकण्ठ बालमन्दिर मा०बि ISO-21001 गुणस्तर प्राप्त गर्ने नेपालकै दोश्रो सामुदायिक बिद्यालय
करेन्ट लागेर धादिङको गल्छीमा एक पुरुषको मृत्यु
धादिङको बेल्खुमा दुई मोटरसाइकल ठोक्किँदा तीनजना घाइते, एकजनाको अवस्था गम्भीर
सिद्धलेकले ल्यायो ६० करोडको बजेट,सडक, शिक्षा, कृषि र स्वास्थ्यमा जोड
किबो स्काउट ट्रुपद्राद्धारा स्काउट स्थापना दिवसको अवसरमा सन्देशमुलक नृत्य तथा नाटक प्रस्तुत
धादिङ, १४ असार । धादिङको नेत्रावती डबजोङ गाउँपालिकामा २०८१ सालको माध्यमिक शिक्षा परीक्षा (SEE) मा उल्लेखनीय सफलता हात परेको छ । परीक्षा दिएका विद्यार्थीमध्ये ९२.३६ प्रतिशतले सफलता प्राप्त गरेका छन् ।
बिगतका वर्षहरूको तुलनामा यस पटकको परिणाम उल्लेखनीय रहेको गाउँपालिका स्रोतले जनाएको छ । शिक्षाको गुणस्तर अभिवृद्धि गर्ने लक्ष्यसहित अघि बढिरहेको अवस्थामा सार्वजनिक भएको यस नतिजाले स्थानीय तहमा आशा र उत्साह थपिएको छ ।
बालविकासदेखि कक्षा १० सम्म अध्यापन गराउने सम्पूर्ण शिक्षकहरूले विद्यार्थीको हितका लागि दिनरात नभनी गरेको अथक प्रयास र समर्पणकै परिणामस्वरूप यो सफल नतिजा सम्भव भएको हो । जीवनको महत्वपूर्ण समय शिक्षामा समर्पण गर्ने सम्पूर्ण शिक्षकप्रति गाउँपालिकाले सम्मानसाथ धन्यवाद व्यक्त गरेको छ ।
यसैबीच, गाउँपालिकाभित्रका विभिन्न माध्यमिक विद्यालयहरूबाट प्राप्त नतिजा यसप्रकार रहेको छ:
निरञ्जना मावि – ९७.७३%
चौतारा मावि – ९४.७३%
महेन्द्रवाराही मावि – ९१.४९%
कुण्डलादेवी मावि – ८९.२९%
मंगलादेवी मावि – ८४.२१%
यस उत्कृष्ट नतिजामा गाउँपालिका अध्यक्ष मेघनाथ रिजाल, उपाध्यक्ष सीता माया चोदेन, वडा अध्यक्षसहित सम्पूर्ण जनप्रतिनिधिहरूले SEE तयारीका लागि बजेट व्यवस्थापन र शैक्षिक पहलमार्फत सक्रिय भूमिका खेलेका थिए । तिनै प्रयासहरूको संयुक्त फलस्वरूप गाउँपालिकाले यसपटकको नतिजामा ऐतिहासिक उचाइ छुन सफल भएको छ ।
पालिकाले सम्पूर्ण उतीर्ण विद्यार्थीहरूलाई उज्ज्वल भविष्यको शुभकामना दिँदै, आगामी दिनमा शिक्षामा अझ गुणस्तरीय सुधारको प्रतिबद्धता समेत दोहोर्याएको छ ।
