नेपाल लोकतान्त्रिक यातायात ब्यवसायी संघको उपाध्यक्षमा धादिङका शरद अधिकारी निर्वाचित

नेपाल लोकतान्त्रिक यातायात ब्यवसायी संघको उपाध्यक्षमा धादिङका शरद अधिकारी निर्वाचित
धादिङबेशी । धादिङ मण्डली यातायात प्रा.ली.का अध्यक्ष तथा सफल यातायात ब्यवसायी शरद अधिकारी नेपाल लोकतान्त्रिक यातायात ब्यवसायी संघको उपाध्यक्षमा निर्विरोध निर्वाचित हुनु भएको छ ।
नेपाली काग्रेस निकट यातायात ब्यवसायीहरुको संघको काठमाण्डौमा सम्पन्न दोस्रो राष्ट्रिय महाधिबेशनबाट अधिकारी सर्वसहमत खुल्ला उपाध्यक्षमा निर्वाचित हुनुभएको हो ।
बिहिबार सम्पन्न राष्ट्रिय महाधिबेशनबाट संघको अध्यक्षमा योगेन्द्रनाथ कर्मचार्य चयन हुनुभएको छ । उहाँको नेतृत्वमा ५१ सदस्य केन्द्रिय समिति चयन भएको नवनिर्वाचित उपाध्यक्ष शरद अधिकारीले जानकारी दिनु भयो ।
केन्द्रीय समितिको वरिष्ठ उपाध्यक्ष अर्जुन रानाभाट र विजय बहादुर स्वार निर्वाचित हुनु भएको छ ।

केन्द्रिय समितिको उपाध्यक्षमा शरद अधिकारी सहित पाँच जना, महिला उपाध्यक्षमा पुष्पा श्रेष्ठ रहनु भएको छ । त्यसैगरी प्रदेश उपाध्यक्षमा बिष्णु खड्का सहित ७ प्रदेशबाट ७ जना उपाध्यक्ष रहेका छन् । त्यसैगरी समितिको महासचिवमा केदारनाथ पौडेल र कोषाध्यक्षमा राजेन्द्रविक्रम बानिया सर्वसम्मत रुपमा चयन हुनु भएको छ ।