धुवाँकोटमा गृहिणी महिलाहरुको लागि अभिमुखीकरण तथा अन्तरक्रिया कार्यक्रम सम्पन्न

धादिङ,१२ फागुन
धादिङको नीलकण्ठ नगरपालिका वडा नम्बर १४ धुवाकोटमा गृहिणी महिलाहरुको लागि अभिमुखीकरण तथा अन्तरक्रिया कार्यक्रम सम्पन्न भएको छ ।सामाजिक विकास समितिका संयोजक मञ्जु थापा मगरको अध्यक्षतामा सम्पन्न भएको कार्यक्रममा नीलकण्ठ नगरपालिकाको उप–प्रमुख दिपक विश्वकर्माको प्रमुख आतिथ्यता रहेको थियो ।कार्यक्रममा निमित्त प्रमुख प्रशासकिय अधिकृत विष्णुप्रसाद रिजाल, सामाजिक विकास शाखा अधिकृत उर्मिला थपलिया, महिला विकास निरिक्षक निर्मला के.सी, नीलकण्ठ नगरपालिका वडा नम्बर १४ का वडा सदस्य कमला तामाङ, गिता परियार, वडा सचिव अर्जुन श्रेष्ठ लगायतको आतिथ्यता रहेको थियो ।

उद्यमशीलता तालिम नीलकण्ठ नगरपालिका र बागमती प्रदेश सरकारको संयुक्त साझेदारीमा सम्पन्न भएको हो।तालिम कम्तिमा १५ दिनदेखि तीन महिनासम्मको हुने, र ३ महिना तालिम पूर्ण गरिसकेपछि सिप परीक्षामा पठाई त्यसपछि महिलाहरूलाई गृहिणी महिलाहरुलाई उद्यमशीलतासँग जोड्ने नगरपालिकाको योजना रहेको छ।उद्यमशीलता कार्यक्रमबाट उत्पादित वस्तु तथा सेवाहरूलाई बिक्री वितरणको लागि नगरपालिकाले सहयोग गर्ने छ ।

कार्यक्रमलाई सम्बोधन गर्नुहुदै कार्यक्रमका प्रमुख अतिथि दिपक विश्वकर्माले महिलाहरुलाई आत्मनिर्भर बनाउने उदेश्यको साथ कार्यक्रम सन्चालन गरिएको बताउनुभयो। महिला सशक्तिकरणमा नीलकण्ठ नगरपालिकाले द्धन्द्ध पिडित, आर्थिक अवस्था कमजोर, विपन्न दलित समुदाय, एकल महिला केन्द्रित विभिन्न घरेलु उद्योग तथा तालिम सञ्चालन गर्ने बताउनुभयो । यसैगरी निमित्त प्रमुख प्रशासकीय अघिकृत विष्णु प्रसाद रिजालले नीलकण्ठ नगरपालिकाले महिलाहरुलाई आयआर्जनसँग जोड्न उद्यम विकासका कार्यक्रमहरु सन्चालन गरिरहेको बताउनुभयो ।