कान्द्राङगडीमा राष्ट्रिय झण्डा फराई राष्ट्रिय एकता दिवस मनाईयो

धादिङबेशी । धादिङका नागरिकहरुले स्वत : स्फुत रुपमा बेनिघाट रोराङ गाउँपालिका वडा न २ कान्द्राङगडि पुगी राष्ट्रिय झण्डा फराई राष्ट्रिय एकता दिवस मनाएका छन् ।

बगाले थापा क्षेत्री राष्ट्रिय फाउन्डेसन नेपालको नेतृत्वमा गएको टोलीले कान्द्राङगडीको कम्पाउन्डमा राष्ट्रिय झण्डा फराई दिवस मनाएका हुन् ।
बेनिघाट रोराङ गाउँपालिका वडा न २ का वडा अध्यक्ष सुरेन्द्र भुजेल,समाजसेवी कृष्णबद्री पौडेल,कृष्णराज अधिकारी,स्वास्थ्यकर्मी डा. राम थापा क्षेत्री लगाएतको टोलीले उक्त स्थानमा राष्ट्रिय झण्डा फराई दिवस मनाईएको कृष्ण बद्री पौडेलले नीलकण्ठ एफ.एम.लाई जानकारी दिनुभयो ।

उक्त कान्द्राङगडी लगाएत मासखर्क क्षेत्रमा जग्गा धनी पुर्जा चितवन जिल्लामा रहेको तिरोभरो चितवन जिल्लामा बुझाउने गरेको तर उक्त क्षेत्रको बासिन्दाको नागरिकता र मतदाता परिचयपत्र धादिङ जिल्ला बेनिघाट रोराङ गाउँपालिकामा रहेको सो क्षेत्रका स्थानियहरुले बताएका छन् ।