फ्याक्सेमा माघ १ गते हास्यव्यंग्य कलाकार पवन खतिवडा(म्याकुरी) र धादिङ्गे भाले आउने

धादिङ,२७ पुस 

धादिङको नीलकण्ठ नगरपालिका वडा नम्बर ५ खाल्टे फ्याक्सेमा यसबर्ष पनि माघ १ गते १० औँ गोरु जुधाई प्रतियोगिता तथा सांस्कृति कार्यक्रम हुने भएको छ । चमेरे गुफा संरक्षण समाजको आयोजनामा यस बर्ष पनि राष्ट्रिय कलाकारका साथै गोरु जुधाई प्रतियोगिताको आयोजना गरीएको चमेरे गुफा संरक्षण समाजका सचिव क्षितिज श्रेष्ठले जानकारी दिनुभयो ।

माघ १ गते हुने कार्यक्रमको तयारीलाई तिव्र पारीएको श्रेष्ठले नीलकण्ठ एफएमलाई जानकारी दिनुभयो ।गोरु जुधाई तथा सांस्कृति कार्यक्रममा कमेडी दरबारका हास्यव्यंग्य कलाकार पवन खतिवडा(म्याकुरी )को टीम र नवराज काप्री(धादिङ्गे भाले)ले आ आफ्नो प्रस्तुतीहरु प्रस्तुत गर्नुहुने आयोजकले जानकारी दिएको छ । संस्कृति,परम्परा र पुस्तान्तरण गर्ने उदेश्यले प्रत्येक बर्ष फ्याक्सेमा कार्यक्रम हुदै आएको छ ।