एनआरएनएको सहयोग र अन्तराष्ट्रिय धादिङ समाजको समन्वयमा बेनिघाटमा राहत वितरण

धादिङ,७ कार्तिक

गैर आवासीय नेपाली संघ(एनआरएनए) को आर्थिक सहयोग र अन्तराष्ट्रिय धादिङ समाजको समसन्वयमा बेनिघाट रोराङ गाउँपालिकामा राहत वितरण गरीएको छ । असोज ११ र १२ गते गएको अविरल बर्षाको कारण प्रभावित बनेका चेपाङ समुदायको ५० घरपरिवारलाई राहत वितरण गरीएको हो । हिजो मंगलबार अन्तराष्ट्रिय धादिङ समाजका बरिष्ठ उपाध्यक्ष दिनेश तामाङ,सचिव राजेन्द्र थपलियाले गाउँपालिकाका अध्यक्ष कृष्ण बहादुर थपलिया विवेकको रोहोबरमा राहत सामाग्री वितरण गर्नुभएको हो ।

५० घरपरिवारलाई खाद्यन्न,लत्तकपडा र स्वास्थ्य सरसफाईको सामाग्री वितरण गरीएको हो । प्रति घरपरिवारलाई १० हजार बराबरको सहयोग गरीएको हो । एनआरएनएको आर्थिक सहयोग र अन्तराष्ट्रिय धादिङ समाजको समन्वयमा राहत वितरण गरीएको हो । यसैगरी धादिङको खनियावास गाउँपालिकाकाका पहिरो प्रभावित ५० घरपरिवारलाई पनि राहत वितरण गरीएको अन्तराष्ट्रिय धादिङ समाजका अध्यक्ष राजन खकुरालले जानकारी दिनुभयो ।