अध्यक्ष अक्षयकोष मार्फत ४५ जना बालबालिकालाई शैक्षिक सामाग्री वितरण

धादिङ,२ भदौ
नीलकण्ठ नगरपालिका वडा नम्बर ३ का वडा अध्यक्ष राजकुमार श्रेष्ठले गठन गर्नुभएको अध्यक्ष अक्षयकोष मार्फत ४५ जना बालबालिकाहरुलाई शैक्षिक सामाग्री वितरण गरीएको छ । आईतबार एक कार्यक्रमका बिच नीलकण्ठ नगरपालिका भित्रका गरिब ४५ जना बालबालिकाहरुलाई शैक्षिक सामाग्री वितरण गरीएको हो ।
नगरपालिका भित्रका विद्यालयहरुमा अध्यायन गर्ने अति विपन्न गरीबहरुलाई किताब, कापी, झोला, जुत्ता विद्यालय पोशाक वितरण गरिएको वडा अध्यक्ष अक्षयकोषका अध्यक्ष वडा अध्यक्ष राजकुमार श्रेष्ठले बताउनुभयो ।

कापी, कलम, लुगा, झोला अभावले पढ्नका लागि कठिनाइ भोग्दै आएकाहरुलाई बालबालिकालाई एक समारोहका बिच सामाग्री वितरण गरिएपछि बालबालिका खुसी भएका छन् ।नीलकण्ठ नगरपालिका वडा नम्बर २ तिनघरेको अन्नपूर्ण आधारभुत विद्यालयमा अति कठिनसंग अध्यायन गरिरहेका ७ जनालाई सो अबसरमा विद्यालय पोशाक, कापी, कलम, जुत्ता समेतको सामाग्री उपलब्ध गराईएको छ ।

बाबुले एकवर्षअघि आत्महत्या गरेको र आमा परिवार पाल्न कुबेत गएपछि ७५ वर्षीया हजुरआमासंग बस्दै आएका ३ बालबालिका सहित ७ जनालाई वडा अध्यक्ष अक्षयकोषले सामाग्री उपलब्ध गराएको छ ।वडा अध्यक्ष श्रेष्ठको अध्यक्षतामा रहेको कोषले हरेक वर्ष यस किसिमका समस्यामा रहेकाहरुलाई सहयोग गर्दै आएको कोषका सचिव विष्णुलाल श्रेष्ठले बताउनुभयो ।