स्थिरीकरण कोषको अभिमुखीकरण कार्यक्रम धादिङबेशीमा सम्पन्न

धादिङबेशी । स्थिरीकरण कोषको अभिमुखीकरण कार्यक्रम धादिङबेशीमा सम्पन्न भएको छ । बचत तथा ऋण सहकारी संस्था सम्बन्धि स्थिरीकरण कोषको आयोजना तथा नेपाल बचत तथा ऋण केन्द्रिय सहकारीको संघको व्यवस्थापनमा कार्यक्रम सम्पन्न भएको हो ।

कार्यक्रममा स्थिरीकरण कोषको औचित्य, परिकल्पना, उद्धेश्य, आवश्यकता, सहभागिताको लागि योग्यताहरु, उपलिब्धका विषयमा छलफल गरिएको थियो ।
कार्यक्रममा नेफस्कुनका वरिष्ठ अधिकृत नविनराज दाहालले प्रशिक्षण गर्नुभएको थियो । धादिङ बचत तथा ऋण सहकारी संस्था लि.का अध्यक्ष नवराज शर्माको सभापतित्वमा भएको कार्यक्रममा नेफस्कुनमा आबद्ध सहकारी संस्थाका प्रतिनिधिहरुको उपस्थिति रहेको थियो ।

नेपाल बचत तथा ऋण सहकारी अभियानको जगेडा कोष मानिने स्थिरीकरण कोष स्थापनाको डेढ बर्ष पुगेको छ । २०७९ साल जेठ २७ गतेको भूमि व्यवस्था, सहकारी तथा गरिबी निवारण मन्त्रालयको निर्णयसँगै कोष सञ्चालनमा आएको थियो । कोषमा हालसम्म २८६ सहकारीले प्रारम्भिक र वार्षिक योगदान स्वरुप २० करोड बराबरको रकम जम्मा गरि सकेका छन् ।