जन्मदिनको अवसरमा जैन परिवारद्धारा कर्णेश्वर मा.वि.का विद्यार्थीहरुलाई न्यानो पोशाक हस्तान्तरण

धादिङबेशी । नीलकण्ठ नगरपालिका वडा नं ७ मा रहेको कर्णेश्वर माध्यामिक विद्यालयमा अध्ययनरत विद्यार्थीहरुलाई न्यानो पोशाक वितरण गरिएको छ । काठमाडौँ महानगरपालिका वडा नं १६ बालाजु निवासी शुभागमल जम्मड जैनकी नातिनी नायसा जैन र नाति नमिस जैनको जन्म दिनको अवसरमा जैन परिवारले विद्यालयका विद्यार्थीहरुलाई न्यानो पोशाक वितरण गरिएको हो।

बिद्यालयका प्रधानाध्यापक बिष्णुहरि अधिकारीको अध्यक्षता तथा कार्यवहाक वडा अध्यक्ष युवराज पोखरेलको प्रमुख आतिथ्यता तथा बिद्यालय ब्यवस्थापन समितिका अध्यक्ष अर्जुन कुमार श्रेष्ठको बिशेष आतिथ्यतामा आइतबार एक कार्यक्रमको आयोजना गरि उक्त न्यानो पोशाक हस्तान्तरण गरिएको हो ।

बिद्यार्थीहरुको लागी न्यानो पोशाक हस्तान्तरण समारोहकै अवसर पारेर जैन परिवारले विद्यालय परिसरमा रुद्धराक्ष समेत बृक्षारोपण गर्नु भएको छ ।
जैन परिवारले नाति नातिनिको जन्मदिनमा फजुल खर्च नगरी विद्यालयका विद्यार्थीहरुलाई चिसोको समयमा विद्यालय आउन सहज होस् भन्ने उदेश्यले न्यानो पोशाक वितरण गरिएको शुभागमल जम्मडले बताउनुभयो ।

विद्यालयका प्रधानाध्यापक बिष्णुहरि अधिकारीले चिसोको समयमा विद्यार्थीहरुलाई विद्यालय आउन कठिन भइरहेको अवस्थामा जैन परिवारले विद्यार्थीलाई न्यानो कपडा वितरण गरेकोमा धन्यवाद व्यक्त गर्नुभएको छ ।

जन्मदिनको अवसर पारेर जैन परिवारले रचनात्मक तथा उदाहरणीय कार्य गरेको भन्दै बिद्यालय ब्यवस्थापन समितिका अध्यक्ष अर्जुन कुमार श्रेष्ठले न्यानो कपडा वितरण गरेकोमा धन्यावाद प्रकट गर्नुभएको छ । साथै आगामी दिनमा पनि जैन परिवारबाट सहयोगको अपेक्षा राख्दै बिद्यालयको शैक्षिक गुणस्तरको निमित्त अन्य सहयोगी मनहरुलाई समेत सहयोग गरिदिनुहुन आह्वान गर्नु भएको छ ।

बिद्यालयका शिक्षक कृष्णराज अधिकारीको बिशेष पहलमा जैन परिवारले कणेश्वर माध्यामिक बिद्यालयमा अध्ययनरत बिद्यार्थीहरुको लागी करिब ३ लाख बराबरको न्यानो कपडा बितरण गरेको हो ।

आजको आवाजमा शिक्षक कृष्ण प्रसाद अधिकारीको भनाई