बेनिघाट रोराङ गाउँपालिका बालश्रम मुक्त पालिका बनाउने अभियानमा

धादिङ । बालबालिकालाई श्रमीकको रुपमा प्रयोग नगरौ, नगराऔ, शिक्षामा जोड दिऔ भन्ने मुख्य नारा सहित बेनिघाट रोराङ गाउँपालिका बालश्रममुक्त पालिका बनाउने अभियान शुरु गरेको छ ।

बालश्रममुक्त गाउँपालिका बनाउने अभियान अन्तरगत बुधबार होटल व्यवसायी तथा सम्बन्धित सरोकारवालाहरु संग अन्तरक्रिया गरी बालश्रममुक्त बनाउन सबै सरोकारवालाहरुबाट प्रतिबद्धता लिने कार्यको थालनी गरेको हो । बेनिघाट रोराङ गाउपालिकाको बिशालटार स्थित चित्रादेवि खाजाघरको सभाहलमा बेनिघाट रोराङ्ग गाउँपालिकाको अध्यक्ष श्री कृष्ण बहादुर थपलिया(बिबेक)को अध्यक्षतामा गाउँपालिका उपाध्यक्ष टापबहादुर श्रेष्ठ ,जिल्ला होटल संघका अध्यक्ष रामशरण सिलवाल बिशेष आतिथ्यता र होटल तथा रेष्टुरेन्ट व्यवसायी,नेपाल प्रहरीका प्रतिनिधि ,वडाध्यक्षहरु तथा सरोकारवालाहरु समेत ७१ जनाको उपस्थितिमा उक्त अन्तरक्रिया कार्यक्रम सम्पन्न भएको हो ।

अन्तरक्रिया कार्यक्रममा वडा नं ९ का वडाध्यक्ष देबि बहादुर खड्का होटल व्यवसायी महासँघ केन्द्रिय सदस्य सन्तोष कु थापा, हरिशरण पाण्डे , जिल्ला होटल संघ धादिङ्गका पदाधिकारि तथा सदस्यहरु र हाईवे उद्धार समितिका अध्यक्ष राज कुमार ठकुरि लगायत वेनिघाट रोराङ गाउँपालिकाको सबै १० वडाका होटेल व्यवसायीहरुको उपस्थितिमा रहेको थियो ।

जिल्ला होटल सँघ धादिङ संयोजन तथा गाउँपालिकाको आयोजनामा भएको कार्यक्रममा सहभागी व्यवसायीहरु बेनिघाट रोराङ गाउँपालिका मलेखु देखि मोवाखोलासम्म रहेको होटल तथा रेष्टुरेन्ट व्यवसायीहरुमा बालश्रमिक प्रयोग नगर्ने र हुनु नदिने प्रतिबद्धता जनाएको र बालश्रम प्रयोग हुन नदिन सबै होटलहरुमा अनुगमन समेत गर्ने होटल संघका अध्यक्ष रामशरण सिलवालले बताउनु भयो । ब्यबसायीहरुले आफ्नो ब्यबसायमा बालश्रम प्रयोग नगरि बालश्रम मुक्त ब्यबसाय संचालन गर्ने प्रतिबद्वता ब्यक्त गरेका कार्यक्रममा महिला बालबालिका तथा जेष्ठ नागरिक शाखा प्रमुख पुजा खनालले जानकारी दिनु भयो ।

बालमैत्री स्थानीय शासन अबलम्बन तथा घोषणाको पुर्व बालश्रम मुक्त गाउँपालिका घोषणा गर्नु पर्ने, हरेक व्यवसायमा बालश्रम मुक्त गर्न आवश्यक भएकोले सम्बन्धित सरोकारवालाहरुको ठुलो भुमिका हुने भन्दै बालश्रमले बालबालिकामा पर्न सक्ने शारिरिक, मानशिक, बौद्विक र संबेगात्मक असर र बालश्रम प्रयोग गरेमा ब्यबसायीले भोग्नु पर्ने कानुनी प्रावधानहरु, बाल अधिकार , बाल संरक्षण ,बालश्रम निवारण सम्बन्धि १० बर्षे गुरुयोजना बालश्रम मुक्त पालिका बनाउन गाउँपालिका,नागरिक समाज, नेपाल प्रहरी स्थानीय प्रतिनिधि, होटल तथा रेष्टुरेन्ट व्यवसायीहरु र घरपरिवारको काम कर्तव्य र जिम्मेवार बारेमा दामोदर अर्यालले सहजीकरण गर्नु भएको थियो ।