वडा स्तरीय बालमैत्री स्थानीय शासन समिति गठन

धादिङ । बालमैत्री स्थानीय शासन निर्देशिका २०७८ बमोजिम गंगाजमुना गाउँपालिका वडा नं। ६ को वडाध्यक्ष रमेश ढकालको अध्यक्षताका १५ सदस्यीय बालमैत्री स्थानीय शासन वडा स्तरीय बालमैत्री स्थानीय शासन समिति गठन गरिएको छ ।

बालबालिकाहरुको सर्वाङ्गिण विकासको लागि गंगाजमुना गाउँपालिका वडा नं ६ ले तथ्यांकको जिम्मेवारीपुर्वक कार्य गर्दै आएको वडाध्यक्ष रमेश ढकालले बताएका छन् । गंगाजमुना गाउँपालिकाका वडाहरुलाई बालमैत्री स्थानीय शासन अबलम्बनका न्युनतम सुचकहरु पुरा गर्न सबै सरोकारवाला एकताबद्ध भएर घर,घर ,टोल टोलमा बालमैत्री व्यवहार अबलम्बन गरि बालबालिकाहरुको बाल अधिकार र शैक्षिक उपलब्धि र संस्कारयुक्त शिक्षा केन्र्दित अभियानमा लागि परेको बताएका छन् । वडा स्तरीय अभिमुखिकरणमा वडा नं ६ वडाध्यक्ष ढकालले बालमैत्री स्थानीय शासन अबलम्वन तथा घोषणा गर्ने कार्य भनेको बालबालिकाको सर्वोत्तम हित , सर्वाङ्गिण बिकास र अर्थपूर्ण सहभागीताको सिद्धान्तमा आधारित सवालहरुलाई स्थानीय तहको निति , योजना , संरचना र कार्य प्रक्रियामा संस्थागत गर्ने शासकीय पद्धति भएकोले यसलाई कार्यान्वयन गर्ने जिम्मेवारी पनि वडा सरकारको भएकोले गंगाजमुना गाउँपालिकालाई बालमैत्री स्थानीय शासन घोषणाको लागि वडामा अभियान कै रुपमा संचालन गर्न लागिएको बताउनु भयो । बुधबार गाउँपालिकाका वडा नं ६ को वडा कार्यालय बसेरीमा जनप्रतिनिधि, वडामा कार्यरत कर्मचारी तथा सरोकारवालाहरुको लागि आयोजित बालमैत्री स्थानीय शासन अबलम्बन तथा घोषणा सम्बन्धि अभिमुखिकरण कार्यशाला उद्घाटनको अवसरमा वडा नं ६ का वडाध्यक्ष रमेश ढकालले उक्त कुरा बताउनु भएको हो ।

कार्यक्रममा गंगाजमुना गाउँपालिका महिला ,बालबालिका तथन जेष्ठ नागरिक शाखा प्रमुख उषा लामिछानेले गाउँपालिकामा बालमैत्री स्थानीय शासनको ५१ वटा सुचकहरु पुरा गर्दै क्रमागत रुपमा वडा तथा पालिकालाई बालमैत्री गाउँपालिका घोषणा गर्ने अभियानमा रहेको समेत बताउनु भयो । वडा नं ६ का वडाध्यक्ष रमेश ढकालको अध्यक्षतामा भएको कार्यक्रममा वडा सदस्यहरु, वडाभर रहेका बिद्यालय प्रधानाध्यापकहरु ,स्वास्थ्य संस्था प्रमुख , सहकारीका प्रतिनिधिहरु , महिला समुह,बालक्लबका प्रतिनिधिहरु तथा अन्य सरोकारवालाहरु,क्रियासिल राजनीति दलका प्रमुख तथा प्रतिनिधिहरु समेत गरि ४९ जनाको सहभागीता रहेको थियो । बालमैत्री स्थानीय शासनको अवधारणा कार्यान्वयन रणनीति सम्बन्धि ज्ञान ,सीप तथा क्षमता अभिबृद्धिको मार्फत घर परिवार,टोल बस्ती ,वडा हुँदै पालिकालाई नै बालमैत्री बनाउन अभियानलाई सार्थकता दिने उद्धेश्य पूरा गर्न वडा तहका सम्बन्धित सरोकारवालाहरुको लागि अभिमुखिकरण गरिएको बताउनु भयो ।

अभिमुखिकरण कार्यक्रममा बालमैत्री स्थानीय शासन अबधारणा, बालमैत्री गाउँपालिकाको लागि बालबालिका सम्बन्धि कार्यान्वयन निर्देशिका २०७८ अनुसारको कार्यान्वयनका तहगत खुड्किलाहरु, बालमैत्री स्थानीय शासनको ५१ वटा सुचकहरु, बिद्यालय तथा समुदाय तहमा बाल समूह गठन,पुर्नगठन तथा समुदाय परिचालन, बालबालिकामा लगानी योजना लगायत बिषयमा गैरसरकारी संस्था महासंघका बागमती प्रदेशका निबर्तमान अध्यक्ष तथा प्रयास नेपाल धादिङका कार्यकारी निर्देशक दामोदर अर्यालले सहजिकरण गर्नु भएको थियो ।

अभिमुखिकरण कार्यक्रममा सहभागीहरुले बालमैत्री स्थानीय शासन कार्यान्वयनमा सहकार्य गर्ने सामुदायिक प्रतिबद्धता गरेका छन् ।